أحمد بحر الشهير بكزبرة : طول الوقت مش راضي عن اللي بعمله!
“مش راضي عن نفسي وبحارب عشان فرصة”.. تصريحات غير متوقعة من “كزبرة” مع منى الشاذلي
فتح الفنان الشاب أحمد بحر، الشهير بـ “كزبرة”، قلبه للجمهور خلال استضافته في برنامج “معكم منى الشاذلي” على شاشة ON، حيث تحدث بشفافية وصراحة عن تفاصيل شخصيته في فيلمه الجديد “محمود التاني” ومدى تشابهها مع واقع حياته وشخصيته الحقيقية.
وأوضح “كزبرة” أن بطل الفيلم “محمود” يعكس روح الشاب والمواطن البسيط الذي ينتظر فرصة حقيقية تتغير معها حياته، قائلًا:
“طول الوقت مستني فرصة واحدة لأنه عارف إن الفرص مش بتيجي كتير، ولما بتيجي خلاص مش هتيجي تاني، عشان كده بيعمل كل حاجة عشان يستغلها صح.”
وعن شغفه بالتمثيل وتحدياته الشخصية، أشار إلى أنه يفضل العمل على الكلام، قائلًا:
“مش بعرف أتكلم عن نفسي قوي وأقول بتعب قد إيه، لكن عندي صراع دائم مع نفسي.. أنا مش عايز أثبت حاجة للناس، أنا عايز أثبت لنفسي.”
وأضاف أنه يعيش حالة مستمرة من عدم الرضا عن النفس تدفعه لبذل المزيد من الجهد:
“طول الوقت حاسس إني مش راضي عن اللي بعمله أو إني معملتش اللي عليا، وده بيخليني أشتغل أكتر وبكل طاقتي لأني بحب المهنة دي بجد، والوقت هو اللي هيثبت للناس قد إيه أنا بتعب.”
جدير بالذكر أن فيلم “محمود التاني” يضم نخبة من النجوم الشباب والكبار، في مقدمتهم: أحمد بحر (كزبرة)، أحمد غزي، كارولين عزمي، تامر هجرس، جنا الأشقر، وشريف خلوصي. الفيلم من تأليف إياد صالح، وإنتاج طارق الجنايني، ويخوض به المخرج عبد العزيز النجار أولى تجاربه الإخراجية في السينما بعد سلسلة من النجاحات الدرامية.
